Neftçala Sənaye Məhəlləsində yeni rezident
Bakı, 26 iyun, AZƏRTAC
“Aqroplanet” MMC-yə Neftçala Sənaye Məhəlləsinin rezidenti statusu verilib.
İqtisadiyyat Nazirliyinin mətbuat xidmətindən AZƏRTAC-a bildirilib ki, yeni rezident Neftçala Sənaye Məhəlləsinin ərazisində qabaqcıl texnologiyaların tətbiqi ilə orqanik maye gübrələr istehsal edəcək. İldə 700 ton məhsul istehsal etmək gücündə olacaq müəssisədə 56 iş yeri yaradılacaq.
Qeyd edək ki, Neftçala Sənaye Məhəlləsi dövlət başçısının 2015-ci il 2 fevral tarixli Sərəncamı ilə yaradılıb. On hektar ərazini əhatə edən sənaye məhəlləsində avtomobil, kənd təsərrüfatı avadanlığı, metal konstruksiyalar, yem, suvarma sistemləri, polietilen suvarma boruları, elektrod istehsalı, balıq emalı və sair müəssisələr fəaliyyət göstərir.
Bölmənin digər xəbərləri
