“Neftçi” və “Qarabağ” cərimələnib
Bakı, 6 mart, AZƏRTAC
AFFA İntizam Komitəsi Misli Premyer Liqasında çıxış edən iki klubu cərimələyib.
AZƏRTAC Peşəkar Futbol Liqasının rəsmi saytına istinadla xəbər verir ki, XXII turun “Şamaxı” ilə təşkil edilən oyununda beş nəfər sarı vərəqə aldığı üçün “Neftçi” 700 manat ziyan ödəyəcək. “Sabah”la görüşdə eyni halla üzləşən “Qarabağ” da cərimələnib – 700 manat.
Bakı klubunun məşqçisi Dmitro Kara-Mustafa hakimin qərarına etiraz etdiyinə görə birbaşa qırmızı vərəqə aldığı üçün iki görüşdə olmayacaq. Buna görə də “ağ-qaralar” 5000 manat məbləğində cərimə ödəyəcək.
Ağdam klubunun azarkeşləri tərəfindən kütləvi şəkildə təhqiramiz ifadələr səsləndirildiyinə və bu hal cari mövsümdə 4-cü dəfə təkrarlandığına görə klub 8000 manat cərimə edilib.
Bölmənin digər xəbərləri
