Nepalda zəlzələdə 6 nəfər ölüb
Pekin, 9 noyabr, AZƏRTAC
Nepalın Doti bölgəsində baş vermiş 6,6 bal gücündə zəlzələdə ən azı 6 nəfər ölüb, 5 nəfər xəsarət alıb.
AZƏRTAC Nepal mediasına istinadla xəbər verir ki, yerli vaxtla gecə 2:12-də baş verən yeraltı təkanlar bir neçə tikilinin, o cümlədən fərdi evlərin dağılmasına səbəb olub. Ölənlər evləri uçan sakinlərdir. Onlar arasında uşaqlar da var.
Nepalın Seysmologiya Mərkəzinin məlumatına əsasən, zəlzələnin episentri Xaptad milli parkı ərazisində olub. Yeraltı təkanlar Nepalın paytaxtı Katmanduda, habelə Hindistanın həmsərhəd hissələrində də hiss olunub.
Qeyd edək ki, noyabrın 8-də axşam vaxtı Nepalın eyni hissəsində 4,9 bal gücündə daha bir zəlzələ qeydə alınıb.
Şahin Cəfərov
AZƏRTAC-ın xüsusi müxbiri
Pekin
Bölmənin digər xəbərləri
