Neymar koronavirusa yoluxub
Bakı, 8 iyun, AZƏRTAC
Braziliya millisinin və “Santos”un futbolçusu Neymar koronavirusa yoluxub.
AZƏRTAC xəbər verir ki, bu barədə klubun rəsmi saytı məlumat yayıb.
Bildirilib ki, iyunun 5-də xəstəliyin simptomları özünü göstərdikdən sonra hücumçu klubun həkimləri tərəfindən tibbi müayinədən keçirilib. Laboratoriya testlərindən sonra oyunçuda COVID-19 aşkarlanıb. Dərhal komandadan kənarlaşdırılan forvardın hazırda evində istirahət etdiyi və simptomatik müalicə aldığı vurğulanıb.
Qeyd edək ki, Neymar bu mövsüm “Santos”un heyətində bütün turnirlərdə 14 oyun keçirib, 3 qol vurub və eyni sayda məhsuldar ötürmə edib.
Bölmənin digər xəbərləri
