Nil rəngini dəyişib
Bakı, 2 noyabr, AZƏRTAC
Misirlilər bu həftə Nil çayının suyunun sarı-qəhvəyi rəngə boyandığını müşahidə ediblər.
AZƏRTAC ecoportal.su saytına istinadla xəbər verir ki, bu, ölkənin bəzi rayonlarında yağan güclü yağışlar nəticəsində baş verib. Yağış əhəng təpələrini yayaraq palçıq axınını çaya axıdıb. Çay o qədər bulanıq olub ki, hətta bir neçə su stansiyası bağlanıb və ayrı-ayrı rayonlarda suyun verilməsində fasilələr yaranıb.
Misirin səhrada yaşayan 92 milyon əhalisinin əksəriyyəti kənd təsərrüfatı və məişət ehtiyacları üçün Nilin suyundan istifadə edir.
Ekspertlər çayın suyu təmizlənənə qədər misirliləri su içməkdən çəkindirirlər və onlara gözləməyi tövsiyə edirlər.
Bölmənin digər xəbərləri
