“Nord Stream 2”nin 40 faizi tamamlanıb
Bakı, 10 aprel, AZƏRTAC
“Şimal axını 2” (“Nord Stream 2”) təbii qaz boru kəməri layihəsi üzrə işlərin 40 faizi yekunlaşıb.
AZƏRTAC xəbər verir ki, bu barədə “Gazprom” şirkəti məlumat yayıb. Bildirilir ki, layihə üzrə 978 kilometr boru döşənib.
Qeyd edək ki, ümumilikdə 10 milyard dollara başa gələcək və 1230 kilometr uzunluğundakı “Nord Stream 2” boru qaz kəməri Baltik dənizindən keçməklə Rusiyadan Almaniyaya ildə 55 milyard kubmetr qaz nəql edəcək. “Gazprom”la yanaşı, “Shell”, “OMV”, “Engie”, “Uniper” və “Wintershall” kimi enerji şirkətləri layihənin əsas tərəfdaşlarındandır.
“Gazprom” “Şimal axını 2” təbii qaz boru kəmərinin inşasının cari ilin sonunadək başa çatdırılacağını açıqlayıb.
Bölmənin digər xəbərləri
