İDMAN
Norveçdə şahmat üzrə beynəlxalq super turnir davam edir
Bakı, 13 may (AZƏRTAC). Norveçin Stavanger şəhərində şahmat üzrə beynəlxalq super turnir davam edir.
AZƏRTAC xəbər verir ki, mayın 13-də turnirin beşinci turu çərçivəsində Teymur Rəcəbov Ermənistan şahmatçısı Levon Aronyanla qarşılaşacaqdır.
Qeyd edək ki, dünyanın on güclü şahmatçısının - dünya çempionu Vişvanatan Anand (2783, Hindistan), Maqnus Karlsen (2868, Norveç), Levon Aronyan (2813, Ermənistan), Veselin Topalov (2793, Bolqarıstan), Teymur Rəcəbov (2745, Azərbaycan), Hikaru Nakamura (2775, ABŞ), Peter Svidler (2769, Rusiya), Sergey Karyakin (2767, Rusiya), Vang Hao (2743, Çin) və Jon Ludvig Hammerin (2608, Norveç) qələbə uğrunda mübarizə apardığı turnir 9 turdan ibarət olaraq dairəvi sistem üzrə keçirilir.
Turnirə üç xalla Rusiya şahmatçısı Serqey Karyakin liderlik edir.