OĞRU YAXALANMIŞDIR
Daxili İşlər Nazirliyinin mətbuat xidmətindən AZƏRTAC-a verilən məlumata görə, mayın 22-də saat 11:30 radələrində, naməlum şəxs, pəncərədən keçməklə, M.Rəsulzadə qəsəbəsinin sakini Aydın Abdullayevin mənzilindən qızıl əşyalarını oğurlayıb qaçarkən ev sahibi ilə rastlaşmışdır. Bu zaman o, A.Abdullayevə bıçaqla hədə-qorxu gəlmişdir.
Binəqədi Rayon Polis İdarəsinin 4-cü bölməsi əməkdaşlarının keçirdiyi əməliyyat-axtarış tədbirləri nəticəsində oğurluq etmiş şəxs - əvvəllər məhkum olunmuş Gürcüstan vətəndaşı Rafiq Ocaqquliyev tutulmuşdur. Ondan 1 ədəd bıçaq, qızıl əşyalar və 0,158 qram heroin götürülmüşdür.
Faktla əlaqədar cinayət işi başlanmışdır.
Bölmənin digər xəbərləri
