OĞRULAR CƏZALARINA CATMIŞLAR
“Kapital Bank”ın Bərdə rayon filialında çalışan Fəridə Bağırovanın içərisində 3 manat, şəxsi sənədlər və vətəndaşlara məxsus 12 ədəd bankomat kartı olan çantası oğurlanmışdır. Rayon polis şöbəsinin əməkdaşları hadisəni törədən, əvvəllər məhkum olunmuş Elşən Əliyevi həbs etmişlər.
Sabunçu rayonunun Maştağa qəsəbə sakini Rövşən Zərbiyevə məxsus kafedən qapını sındırmaq yolu ilə 1 ədəd kondisioner, 1 ədəd televizor, 1 ədəd pivəsüzən qurğu və digər məişət əşyaları oğurlanmışdır. Cinayəti törətmiş Abşeron rayon sakini, əvvəllər məhkum olunmuş Elman Məmmədov və Bakı şəhər sakini Pərviz Ağayev Çevik Polis Alayı və Nəsimi Rayon Polis İdarəsi 19-cu bölməsinin əməkdaşları tərəfindən tutulmuşlar.
Faktlarla bağlı araşdırmalar aparılır.
Bölmənin digər xəbərləri
