OLİMPİYA MƏŞƏLİ KİYEVİN QONAĞIDIR

05.07.2004 [23:17]
Çap et
A⁺ A^-

AZƏRTAC-ın xüsusi müxbiri xəbər verir ki, iyulun 5-də Olimpiya məşəlini gətirən “Boinq - 747” təyyarəsi Moskvadan Kiyevə gəlmişdir. Ukrayna paytaxtı “Afina-2004” Ümumdünya Olimpiya məşəli estafetinin keçirildiyi 34 ölkədən biri olmuşdur.

Olimpiya məşəli “Borispol” beynəlxalq hava limanından Kiyevə estafet götürmüşdür.

120 məşəlaparan Olimpiya məşəlini şəhərin beş rayonunda gəzdirəcəkdir. Marşrutun ümumi uzunluğu 38,6 kilometrdir.

Məşəl axşam Müstəqillik meydanına gətiriləcək, burada Ukrayna dövləti rəhbərlərinin iştirakı ilə təntənəli rəsmi mərasim keçiriləcəkdir.

Sonra Olimpiya məşəli Türkiyəyə yollanacaqdır.