OMBUDSMANIN NÜMAYƏNDƏLƏRİ DAŞKƏNDDƏ TƏCRÜBƏ MÜBADİLƏSİ APARMIŞLAR
Azərbaycan Respublikasının İnsan Hüquqları üzrə Müvəkkili Aparatının iki əməkdaşı Azərbaycan və Özbəkistan ombudsmanları arasında bağlanmış ikitərəfli sazişə əsasən, Daşkənd şəhərində təcrübə mübadiləsi aparmışlar.
Ombudsman Aparatından AZƏRTAC-a bildirmişlər ki, Azərbaycan nümayəndələri Özbəkistan Respublikası Ali Məclisinin İnsan Hüquqları üzrə Müvəkkili Aparatında, Baş Prokurorluqda, Daxili İşlər Nazirliyinin Məhkəmə Qərarlarının İcrası Baş İdarəsində, Xarici İşlər Nazirliyinin Diplomatiya və Dünya İqtisadiyyatı Universitetində, Milli Universitetdə keçirilən tədbirlərdə ölkəmizdə insan hüquqlarının təmin olunması sahəsində aparılan işlər barədə məlumat vermişlər. Səfər çərçivəsində Özbəkistandakı Azərbaycan diasporunun nümayəndələri ilə görüşlər də olmuşdur.
Bölmənin digər xəbərləri
