Onlayn “Fintex Summit” keçirilir
Bakı, 28 yanvar, AZƏRTAC
Yanvarın 28-də “Bank və ödəniş ekosistemində yeni trendlər: innovativ həllər, fintexlər və təhlükəsizlik” mövzusunda onlayn “Fintex Summit” (maliyyə və texnologiyalar sərgisi) tədbiri öz işinə başlayıb.
AZƏRTAC xəbər verir ki, Azərbaycan Mərkəzi Bankı sədrinin birinci müavini Alim Quliyev ölkəmizdə pandemiyanın bank sektoruna təsirindən danışıb. Qeyd edib ki, pandemiya dövründə Azərbaycanda rəqəmsallaşma səviyyəsi əhəmiyyətli dərəcədə artıb. Ödəniş kartları ilə aparılmış əməliyyatlarda nağdsız hesablaşmaların çəkisi 34 faiz, elektron ticarət əməliyyatlarının sayı 56 faiz artıb.
Qeyd edək ki, “Visa” beynəlxalq kart təşkilatı ilə tərəfdaşlıq çərçivəsində Azərbaycan Banklar Assosiasiyasının (ABA) təşkilatçılığı, Mərkəzi Bank, Nəqliyyat, Rabitə və Yüksək Texnologiyalar Nazirliyi və İqtisadi İslahatların Təhlili və Kommunikasiya Mərkəzinin dəstəyi ilə baş tutan sammit Azərbaycanda ilk dəfə olaraq virtual stendlər, “networking” xüsusiyyətlərinə malik xüsusi platforma üzərində keçirilir.
Sammit yanvarın 29-da işini davam etdirəcək.
Bölmənin digər xəbərləri
