Ötən il Heydər Əliyev adına NEZ-də 2 milyard manatlıq əmtəəlik neft məhsulları istehsal olunub
Bakı, 25 yanvar, AZƏRTAC
Heydər Əliyev adına neft emalı zavodu (NEZ) keçən il 2 milyard manatlıq əmtəəlik neft məhsulları istehsal edib.
AZƏRTAC xəbər verir ki, 2018-ci ildə zavodda neft məhsullarının ümumi çeşidləri üzrə istehsal planı 102,9 faiz yerinə yetirilib. İl ərzində 1 milyon 185,6 min ton avtomobil benzini, 2 milyon 538,8 min ton reaktiv mühərrik və dizel yanacaqları, 204 min ton maye qaz, 244 min ton neft koksu, 289,7 min ton neft bitumu, 34,1 min ton DT markalı mühərrik yanacağı, 50,9 min ton müxtəlif növ sürtkü yağları istehsal olunub. Həmçinin kimya sənayesi üçün 204,6 min ton hidrotəmizlənmiş benzin və 53,6 min ton təmizlənmiş quru qaz, daxili bazar üçün isə 106,6 min ton soba mazutu və sair neft məhsulları istehsal edilib. Ümumilikdə il ərzində NEZ-də 2 milyard 76,5 milyon manat dəyərində əmtəəlik neft məhsulları istehsal olunub.
Bölmənin digər xəbərləri
