DÜNYA
Oturaq həyat tərzi xərçəngə aparan düz yoldur
Bakı, 8 noyabr (AZƏRTAC). Bu nəticə Amerika xərçəngin tədqiqi institutunun illik konfransında təqdim olunmuş tədqiqatda səsləndirilmişdir. Araşdırmanın müəllifləri təsdiq edirlər ki, il ərzində döş və bağırsaq xərçəngi ilə əlaqədar 92 000 hal məhz fiziki yükün çatışmazlığı ilə bağlı olur. “The Daily Mail” yazır: Onların hesablamalarına görə, stulda və ya divanda keçirilmiş hər bir saat iki dəqiqəlik fiziki fəallıqla kompensasiya edilməlidir.
Ekspertlər kiçik fasilələr etməyi - durub gəzməyi tövsiyə edirlər. (hətta bir dəqiqəlik fasilə də kifayət edər).
Lakin statistika göstərir ki, müasir insan stuldan həvəssiz qalxır. Gün ərzində o, nahar edərkən, işləyərkən, televizora baxarxən təqribən 9 saat oturur. Məsələn, ofis işçiləri öz iş vaxtının 75 faizini oturur, fiziki fəallığa isə 30 dəqiqədən çox vaxt sərf etmir.