Ov mövsümü başlamışdır
Bakı, 6 iyun (AZƏRTAC). İyunun 4-dən Azərbaycanın ərazisində 2011-2012-ci illər üçün öv mövsümü başlamışdır.
Ekologiya və Təbii Sərvətlər Nazirliyinin bioloji müxtəlifliyin qorunması və xüsusi mühafizə olunan təbiət ərazilərinin inkişafı departamentindən AZƏRTAC-a bildirmişlər ki, çaqqalın və yenotun ilboyu ovlanmasına icazə verilir. Təkə, qaban (çöl donuzu), dovşan, bataqlıq qunduzunun ovlanması isə təyin olunmuş vaxtlarda mümkündür.
Ov üçün Bakı Şəhər Ekologiya və Təbii Sərvətlər Departamenti, ərazi ekologiya və təbii sərvətlər şöbələrindən icazə alınmalıdır.
Ağdam, Xanlar, Goranboy, Daşkəsən, Gədəbəy, Tərtər rayonlarında, Xəzər dənizindəki adalarda, yaşıl zonalarda, xüsusi mühafizə olunan ərazilərdə, şəhərlərin və kurortların ətrafında 1 kilometrə qədər sahələrdə vəhşi heyvanların ovu qadağan edilmişdir.
Bölmənin digər xəbərləri
