PAKİSTANIN ŞİMALINDA ZƏLZƏLƏ
İTAR-TASS-ın yaydığı xəbərə görə, noyabrın 21-dən 22-nə keçən gecə Pakistanın şimalında baş vermiş zəlzələ nəticəsində 23 nəfər həlak olmuş, yüzlərlə adam yaralanmışdır. Ölənlərin 18-i uşaqdır. Rixter cədvəli ilə 5,5 bal gücündə iki yeraltı təkanın mərkəzi Gilgit şəhərindən 45 kilometr cənub-şərqdə olmuşdur. Təkanlar 10 dəqiqəlik fasilə ilə baş vermişdir. Bir çox yerlərdə yollar uçqunlardan və sürüşmələrdən zərər çəkmişdir. Ordu hissələri əhaliyə yardım göstərmək və adamları təhlükəsiz yerlərə köçürmək üçün vertolyotlarla fəlakət rayonuna gəlmişlər.
Üç həftə bundan əvvəl də həmin bu rayonda güclü zəlzələ baş vermiş, 11 adam həlak olmuşdu.
Bölmənin digər xəbərləri
