PARİSDƏ AZƏRBAYCANLI TƏLƏBƏLƏRLƏ GÖRÜŞ
Ölkəmizin Fransadakı səfiri Eleonora Hüseynova Parisin müxtəlif universitet və ali məktəblərində təhsil alan azərbaycanlı tələbələrlə görüşmüşdür.
Səfir gənc həmvətənlərimizi Konstitusiya günü münasibətilə təbrik etmiş, ölkəmizin Əsas Qanununun məziyyətlərindən danışmış, Prezident Heydər Əliyevin təklif etdiyi və ümumxalq refendumu yolu ilə qəbul olunmuş dəyişikliklərin və əlavələrin əhəmiyyətini vurğulamışdır.
Daha sonra səfir tələbələri dövlətçiliyimizin möhkəmləndirilməsi naminə daha sıx birləşməyə, təhsil aldıqları ali məktəblərdə qabaqcıl elm, texnika və mədəniyyəti mənimsəməklə yanaşı, təmsil etdikləri ölkənin adını uca tutmağa, vətənin layiqli övladları olmağa, Azərbaycan həqiqətlərini bütün dünyaya çatdırmağa çağırmış, tələbələrimizin Fransada bir qurum kimi formalaşmış assosiasiyasının gələcək məqsəd və vəzifələrindən danışmış, onlara səfirliklə yaxından əlaqə saxlamağı tövsiyə etmişdir.
Görüşə toplaşmış tələbələr onları maraqlandıran suallara ətraflı cavablar almışlar.
Əsgər Əliyev
AZƏRTAC-ın xüsusi müxbiri
Paris
Bölmənin digər xəbərləri
