PARLAMENT XƏBƏRLƏRİ
Tədbirlərdə parlamentin beynəlxalq münasibətlər və parlamentlərarası əlaqələr daimi komissiyasının sədri, Milli Məclisin Avropa Şurası Parlament Assambleyasındakı daimi nümayəndə heyətinin rəhbəri Səməd Seyidov, deputatlar Gültəkin Hacıyeva, Nairə Şahtaxtinskaya, Rəfael Hüseynov, Bəxtiyar Əliyev, Asim Mollazadə və heyətin katibi, MM aparatının beynəlxalq münasibətlər şöbəsinin əməkdaşı İlyas Quliyev iştirak edəcəklər.
Komitələrin iclaslarında Dağlıq Qarabağ problemi, Çeçenistanda və Kosovoda məcburi köçkünlərin vəziyyəti, Azərbaycanın, Gürcüstanın, Ermənistanın, Ukraynanın, Bosniya və Herseqovinanın öhdəliklərə əməl etmələri və digər məsələlər ətrafında müzakirələr aparılacaqdır.
X X X
Sentyabrın 14-də Tbilisidə Qara dəniz İqtisadi Əməkdaşlıq Təşkilatı Parlament Məclisinin iqtisadiyyat, ticarət, texnologiya və ekologiya məsələləri Komitəsinin 23-cü iclası öz işinə başlayacaqdır.
Tədbirdə Azərbaycanı Milli Məclisin İqtisadi siyasət daimi komissiyası sədrinin müavini Əli Əlirzayev təmsil edəcəkdir.
İclasın gündəliyinə vətəndaşların sərhədkeçmə qaydaları, bu sahədə əməkdaşlıq, malların idxalı, ixracı və cari məsələlər daxildir.
Səfər sentyabrın 16-da başa çatacaqdır.
Bölmənin digər xəbərləri
