PAYIZLIQ BİTKİLƏRİN SƏPİNİNƏ BAŞLANILIB
Rayon icra hakimiyyətinin aqrar məsələlər şöbəsindən AZƏRTAC-ın müxbirinə bildirmişlər ki, indiyədək 4 min hektara yaxın sahədə təkrar şum başa çatdırılmış, 800 hektar sahədə buğda, 600 hektarda isə arpa səpini həyata keçirilmişdir. Səpinə 120-dən artıq traktor və digər texnika cəlb edilmişdir. Havaların əlverişli keçməsi səpinin optimal müddətdə başa çatdırılacağına əminlik yaradır.
Bu il Qax taxılçıları 15 min hektara yaxın sahədən 23 min 934 ton məhsul tədarük etmişlər. Gələn il rayonda taxıl istehsalının 26-28 min tona çatacağı proqnozlaşdırılır.
