PAYTAXTDA YOLLAR QARDAN TƏMİZLƏNİR
Güclü qar yağması, havaların kəskin soyuması ilə əlaqədar görülən operativ tədbirlər nəticəsində paytaxtımızda ciddi problemlər yaranmamışdır.
Bakı Şəhəri İcra Hakimiyyətində AZƏRTAC-ın müxbirinə demişlər ki, gediş-gəlişin normallaşdırılması üçün yollar vaxtaşırı qardan və buzdan təmizlənir. Bu iş üçün 37 qartəmizləyən xüsusi texnika ayrılmışdır. Şəhər əhalisinin istilik, elektrik enerjisi və qazla təminatı sahəsində də qüsurlar qeydə alınmamışdır.
X X X
ÖZBAŞINALIQ EDƏN SÜRÜCÜLƏR İŞDƏN
KƏNARLAŞDIRILMIŞLAR
Havaların soyumasından, gecənin tez düşməsindən, dayanacaqlarda nəqliyyat gözləyən insanların çoxluğundan istifadə edib avtobuslarda gediş haqqını özbaşına qaldırdıqlarına və digər mənfi hallara yol verdiklərinə görə 25-dək sürücü işdən azad olunmuşdur.
Bu barədə AZƏRTAC-ın müxbirinə Bakı Şəhər İcra Hakimiyyətindən məlumat verərək bildirmişlər ki, onların sürücülük vəsiqələri əllərindən alınmış, idarə etdikləri nəqliyyat vasitələri marşrutlardan çıxarılmışdır. Paytaxt sakinlərinin gediş-gəlişinin asanlaşdırılması üçün adi vaxtlarda xəttə 2 min abtobus buraxılırdısa, hazırda bu rəqəm 2200-ə çatdırılmışdır.
Bölmənin digər xəbərləri
