Perm şəhərində şagird məktəbdə odlu silahdan atəş açıb
Moskva, 18 oktyabr, AZƏRTAC
Rusiyanın Perm vilayətində 12 yaşlı şagird məktəbdə odlu silahdan atəş açıb.
AZƏRTAC xəbər verir ki, hadisə nəticəsində zərər çəkən olmayıb. İnsident Perm vilayətinin Sars qəsəbəsində baş verib.
Şagird özü ilə gətirdiyi odlu silahdan iki dəfə atəş açıb. Məktəbin direktorunun yeniyetmə ilə söhbətindən sonra o, silahı yerə qoyub. Məlum olub ki, oğlan silahı ovçuluqla məşğul olan atasının seyfindən götürüb.
Hadisənin səbəbləri araşdırılır.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
