PİTON VULKANI OYANMIŞDIR
Reünyon adasında Furnez dağındakı Piton vulkanı oyanaraq püskürməyə başlamışdır. Adanın vulkanları öyrənən mərkəzinin yaydığı məlumata görə, dəniz səthindən 2000 metr yüksəklikdə yerləşən vulkan püskürdüyü odlu lavaları on metrlərlə hündürlüyə tullamışdır. Odlu lava axını yaxınlıqdakı dənizə axaraq, orada sahillə birləşən 5 hektarlıq sahədə kiçik ada yaratmışdır.
İsti lavalar adanın cənub-şərqini digər yerlərlə birləşdirən əsas magistral yolun bağlanmasına səbəb olmuşdur. Adanın rəsmiləri turistlərin təhlukəsizliyini təmin etmək məqsədi ilə vulkana gedən yol və cığırların bağlanması barədə sərəncam vermişlər.
