POLİS TONİ BLEYERİ DİNDİRMİŞDİR
Baş nazirin mətbuat katibi jurnalistlərə bildirmişdir ki, polislərin Bleyerlə söhbəti təxminən iki saat çəkmişdir. O, şahid qismində dindirilmişdir.
Bleyerin iqamətgahında keçirilən görüşdə onun dəftərxanasının bir neçə əməkdaşı da iştirak etmişdir. Onun vəkili görüşdə olmamışdır. Baş nazir barəsində həbs və ya xəbərdarlıq kimi heç bir qəti imkan tədbiri görülməmişdir.
Bleyer Skotland-Yardın nümayəndəsinə baş nazirin rəhbərlik etdiyi irsi perlər təyin olunmasının mexanizmi barədə məlumat vermişdir.
Qalmaqalın təhqiqinə bu ilin əvvəllərində başlanmışdır. Məlum olmuşdur ki, Britaniya parlamentinin yuxarı palatasının deputatları vəzifəsinə azı dörd namizəd Leyboristlər Partiyasının fonduna sənədlərdə göstərilmədən iri məbləğdə pul köçürmüşdür.
Lordlar Palatası bu təyinatların qarşısını almış və təhqiqata başlanmışdır. Təhqiqata Skotland-Yard başçısının müavini Con Yets başçılıq edir.
Leyboristlər Partiyası üçün ianələr toplanmasına cavabdeh olan lord Levi iyulda həbs edilmiş və sonra zaminə buraxılmışdır.
Bu işlə əlaqədar polislər Britaniyanın bir sıra yüksəkvəzifəli siyasətçi və məmurlarını, habelə bir neçə naziri dindirmişlər.
Bölmənin digər xəbərləri
