POLŞADA TƏYYARƏ QƏZASI
Həqiqətən, avqust ayı təqvimdə ən faciəli aydır. Alimlər hər il baş verən fəlakətli hadisələri aylar üzrə bölüşdürərək, belə qənaətə gəlmişlər ki, doğrudan da, hansı səbəblərdənsə avqust “ən qanlı” aydır. Odur ki, avqust ayı başlanmazdan hələ xeyli əvvəl xarici mətbuat səhifələrində bu barədə həmişə xəbərdarlıqlar olur və sayıqlığı, ehtiyatı əldən verməməyə çağırırlar. Budur, sanki bu xəbərdarlığın əsassız olmadığı barədə daha bir qara xəbər. Bu dəfə o, Polşadan alınmışdır.
AZƏRTAC Rusiyanın “Novosti” agentliyinə istinadla xəbər verir ki, avqustun 28-də Polşada təyyarə qəzaya uğramışdır. Ölkənin şimal-qərbində, Borne Sulinovo şəhəri yaxınlığında baş verən bu qəza nəticəsində bir nəfər həlak olmuş, bir adam isə ağır yaralanmışdır.
