PSJ “Milan”ın yetirməsi olan qapıçını transfer edib
Bakı, 29 iyun, AZƏRTAC
Son Fransa çempionu PSJ heyətini yeni qapıçı ilə gücləndirib.
AZƏRTAC xəbər verir ki, bu barədə tanınmış insayder Fabritsio Romano məlumat yayıb.
Onun sözlərinə görə, Paris təmsilçisi italiyalı qolkiper Alessandro Lonqoni ilə müqavilə imzalayıb. 18 yaşlı qapıçı komandaya azad agent kimi qoşulub. O, İtaliyanın “Milan” klubunun yetirməsidir.
Alessandro Lonqoni yeni mövsümdə PSJ-nin üçüncü qapıçısı olacaq. Ötən mövsüm bu funksiyanı yerinə yetirən Renato Marinin isə icarə əsasında Portuqaliya klublarından birinə göndərilməsi planlaşdırılır.
Bölmənin digər xəbərləri
