QAÇAQMALÇILAR YAXALANIRLAR
Dövlət Gömrük Komitəsinin mətbuat xidmətindən AZƏRTAC-a məlumat vermişlər ki, Gürcüstan vətəndaşı Şaliko Zeynalov idarə etdiyi "İkarus 255" markalı sərnişin avtobusu ilə Azərbaycana gələrkən Tovuz gömrükxanasının "Sınıq körpü" postunda saxlanılmışdır. Aparılan yoxlama nəticəsində avtobusun xüsusi düzəldilmiş gizli saxlanc yerlərindən 48 kiloqram qara balıq kürüsü, 28,5 litr spirt, Azərbaycan vətəndaşı Vidadi Eyyubovun VAZ-2107 markalı nəqliyyat vasitəsindən isə 52,5 litr spirt aşkarlanmışdır.
Bundan başqa, Gülçöhrə Nehmətəliyeva gömrük bəyannaməsində göstərmədiyi 330 kiloqram alüminium qırıntılarını "Böyük Kəsik" postundan Gürcüstana keçirərkən yaxalanmışdır.
Bölmənin digər xəbərləri
