QADININ YERİ MƏTBƏXDİR?
AZƏRTAC xarici KİV-lərə istinadla xəbər verir ki, son illər Britaniyada kulinariyaya aid verilişlərə maraq artmışdır. Bu verilişlərin əksəriyyətinin aparıcısı kişilərdir. Ancaq ailə üçün xörək hazırlamağa gələndə, bu fəxri vəzifə, yenə də qadınların öhdəsinə düşür. Kişilər isə bu işlə yalnız aşpazlıq qabiliyyətlərini nümayiş etdirmək və ya yaradıcılıq həvəsini söndürmək üçün məşğul olurlar.
“Nə üçün ailənin bütün yükünü qadınlar öz zərif çiyinlərində daşıyırlar?” - sualına kişilər müxtəlif cür cavab vermişlər. Bəziləri qadınların boş vaxtının çox olmasını, digərləri onların, kişilərdən fərqli olaraq, daha faydalı məhsullardan istifadə etdiklərini bəhanə gətirmişlər.
Qadınlar isə kişilərdən tez bazarlıq etdiklərini söyləmişlər. Demə, bazar-dükanda kişilərin diqqətini daha çox lazımsız, ancaq parlaq əşyalar cəlb edir.
Tədqiqatın rəhbəri doktor Ameliya Leyk demişdir: “Son onilliklərdə qadınlar əsil bərabərliyə doğru uğurla addımlayırlar. Ona görə də cavan yaş qrupundan olan qadınların ailədəki mövqeləri ilə bağlı ənənəvi baxışlara sadiq qalması bizi təəccübləndirdi”.
Bölmənin digər xəbərləri
