QAFQAZ UNİVERSİTETİNDƏ GÖRÜŞ
Türkiyə Respublikası Böyük Millət Məclisinin sədri Bülənt Arınçın başçılıq etdiyi nümayəndə heyəti fevralın 8-də Qafqaz Universitetində olmuşdur.
AZƏRTAC xəbər verir ki, universitetin rektoru, professor Erol Oral, Çağ Öyrətim İşlətmələri Şirkətinin prezidenti Ənvər Özərən ümummilli lider, dünya şöhrətli siyasətçi Heydər Əliyevin Azərbaycanda təhsilin inkişafında əvəzsiz xidmətlərindən danışdılar.
Natiqlər, eyni zamanda, rəhbərlik etdikləri qurumlarda həyata keçirilən tədbirlər və əldə olunan nailiyyətlər haqqında geniş məlumat verdilər.
Türkiyə Böyük Millət Məclisinin sədri Bülənt Arınç çıxış edərək, görkəmli dövlət xadimi Heydər Əliyevin Azərbaycan elm və təhsilinə, mədəniyyətinə daim qayğı və diqqət göstərdiyini vurğuladı.
Türkiyə ilə Azərbaycan arasında mehriban dostluq, qardaşlıq əlaqələrindən danışan natiq türk dünyasının işıqlı sabahına böyük inam ifadə etdi.
Türkiyə Böyük Millət Məclisinin sədri Azərbaycanda keçirdiyi görüşlərdən məmnun qaldığını bildirdi.
Tədbirdə qonaqlara hədiyyələr verildi.
Sonra nümayəndə heyəti universitetin tədris şəraiti ilə tanış oldu.
Bölmənin digər xəbərləri
