DÜNYA
Qarşıdakı həftə üçün Şərq ulduz falı 21.01 - 27.01.2013
OĞLAQLAR az tanıdıqları adamlarla münaqişədən qaçmalıdırlar, onlarla münaqişəyə girməsəniz daha yaxşı olar. Kiçicik bir toqquşma sizin üçün ciddi problemlərə çevrilə bilər. Yaxın adamla münasibətlərdə də eyni vəziyyət ola bilər. Bu ixtilafları dərhal aradan qaldırın, sağlam düşüncəni yaddan çıxarmayın, o, yaranmış vəziyyətdən çıxmaqda sizə kömək edəcəkdir.
Bu həftə DOLÇALARIN əhvalına zərbə vuracaq ziddiyyətli xəbərlər onları haldan çıxara bilər. Əlbəttə, bütün problemləri həll etməyə çalışacaqsınız, amma dostların və yaxınların köməyi olmadan yaxın vaxtda bunu etmək çox çətin olacaqdır. Sizə laqeyd olmayan insanlardan kömək istəməkdən çəkinməyin. Onlar mütləq sizə dəstək olmaq üsulu tapacaq və hər hansı vəziyyətdən optimal çıxış yolunu müəyyənləşdirməyinizə kömək göstərəcəklər.
BALIQLAR qarşıdakı həftədə öz emosiyalarını və davranışlarını nəzarətdə saxlamalıdırlar. Bu bürcün nümayəndələrinin ətrafında yaranan vəziyyət köhnə münaqişələrin kəskinləşməsinə səbəb olacaqdır. Ailə mübahisələri və münasibətlərin aydınlaşdırılması ehtimalı böyükdür. Bu çətinlikləri yalnız birgə səylərlə, qarşılıqlı anlaşma və hörmət əsasında aradan qaldırmaq mümkündür.
Qarşıdakı həftə QOÇLAR üçün həm maliyyə sahəsində, həm də şəxsi həyatda uğurlu olacaqdır. Siz gözlənilmədən maddi yardım və ya yaxşı hədiyyə ala bilərsiniz, əlavə qazanc da ola bilər, yalnız fürsəti əldən verməyin. Yeni romantik əyləncə ciddi hisslərə çevrilə bilər, amma tərəfdaşınıza qarşı çox da tələbkar olmayın, əks halda məhəbbət başlanmamış sizi tərk edər.
Bu həftə BUĞALAR öz emosiyalarına sahib olmağı öyrənməlidirlər. Sonradan təəssüfləməmək üçün illüziyalara uyub tələsik, düşünülməmiş qərarlar qəbul etmək lazım deyil. İntellektual səviyyənizi yüksəltməyə çalışın. Bu, vacibdir, çünki bəzən bu və ya digər məsələlərdə məlumatsızlığınız həyatda və ilk növbədə xidməti pillələr üzrə irəliləyişinizi çətinləşdirir.
ƏKİZLƏR qarşıdakı həftədə işdə özləri üçün yeni perspektivlər və üfüqlər açacaqlar. Peşə fəaliyyəti ilə bağlı çoxdankı ideyaların həyata keçirilməsi rəhbərliyin diqqətindən kənarda qalmayacaq, sizə mənəvi və maddi rahatlıq gətirəcəkdir. İşgüzar adamların həftəsi çoxdan nəzərdə tutduqları, lakin hələlik həyata keçirə bilmədikləri layihələr barədə danışıqlar aparmaq üçün əlverişlidir.
XƏRÇƏNGLƏRİN qısamüddətli istirahətə çıxması üçün çox münasib vaxtdır, belə ki, yaxın günlərdə bu bürcün nümayəndələrinin işgüzar fəallıq və ünsiyyət səviyyəsi çox aşağı olacaqdır. Məhəbbət baxımından isə bir qədər fəallıq müşahidə edilir: romantik görüşlər və macəralar ola bilər. Qarşıdakı həftədə sizə başlıca olaraq bunu tövsiyə etmək olar: qumar oyunlarından çəkinin, pul riskli işlərə girişməyin.
ŞİRLƏR qarşıdakı dövrdə öz bacarıqlarından tam istifadə edəcək, özlərini və istedadlarını nümayiş etdirə biləcəklər. Bu, əlbəttə, rəhbərliyin nəzərindən qaçmayacaq, peşəkarlıq və şəxsi reytinqiniz xeyli yüksələcəkdir. Nəticədə maliyyə işlərində uğur və karyera yüksəlişi mümkündür. Yaxınlarla münasibətlərdə inam və qarşılıqlı etimad artır.
QIZLAR bir çox istəklərini həyata keçirəcək və peşə baxımından çox məsul addımlar atacaqlar. Ən mürəkkəb işlərə münasibətdə güclü enerji axını və təşəbbüskarlıq hiss edəcəksiniz ki, bu da gələn həftə istənilən sahədə əla nəticələr əldə etməyinizə imkan verəcəkdir. Uğur və öz qüvvənizə inam sayəsində düşündüklərinizi həyata keçirə biləcəksiniz, ailəniz və yaxınlarınız isə sizə hər cür zəruri dəstək göstərəcəkdir.
Qarşıdakı həftə TƏRƏZİLƏR bütün istiqamətlərdə yeni nailiyyətlər üçün əla imkan əldə edəcəklər. Enerjinizin artdığını hiss edəcək, qarşılıqlı faydalı əlaqələr və rəhbərliklə konstruktiv ünsiyyət əhval-ruhiyyəsində olacaqsınız. Bütün təşəbbüsləriniz yaxşı nəticələr verəcəkdir. Uğurlu əməyiniz ətrafınızdakılar və rəhbərlik tərəfindən yüksək qiymətləndiriləcəkdir, maddi həvəsləndirmə də ola bilər.
ƏQRƏB “oksigen çatışmazlığı” hiss edə bilər: kim isə işdə təşəbbüs göstərməyinizə mane olur, elə evdə də vəziyyət gərgindir. Bütün bu çətinliklərə fikir verməyin, onlar müvəqqətidir. Köhnə dostlara zəng edin, onların sizə xoş xəbərləri var. Yeni şəxsi münasibətlər geniş vüsət alır. Yadda saxlayın: tərəfdaşa həddindən artıq dəyər verməyin ki, sonra onun barəsində məyus olmayasınız.
OXATANLAR həyat potensialının artdığını hiss edəcəklər. Gələn həftədən başlayaraq hərəkətliliyiniz, qarşınızda duran hər hansı məsələləri həll etmək qabiliyyətiniz xeyli artacaqdır. Qızğın işgüzar ritm fonunda öz əsəblərinizi qorumalısınız. Buna görə də mübahisələrə və münaqişələrə girməyin. İstirahət günləri çalışın, sevdiyiniz insanla daha çox vaxt keçirin, bu, sizin ittifaqınıza yaxşı təsir göstərəcəkdir.