Qaxda avtomobil yanıb
Qax, 15 dekabr, AZƏRTAC
Qax rayonunda “Opel Astra” yanıb. Hadisə rayonun Turaclı kənd ərazisində baş verib.
AZƏRTAC Fövqəladə Hallar Nazirliyinin Qax rayon Dövlət Yanğından Mühafizə Hissəsinə istinadən bildirir ki, yanğınla bağlı məlumat daxil olan kimi hadisə yerinə texnika və canlı heyət göndərilib.
Yanğın zamanı kənd sakin, 43 yaşlı Taleh Abbasova məxsus 99DX783 dövlət nömrə nişanlı “Opel Astra” markalı minik avtomobili tamamilə yanıb.
Yanğınsündürənlər yaxınlıqdakı tikilini yanğından mühafizə ediblər.
Hadisə zamanı xəsarət alan olmayıb.
Yanğının baş vermə səbəbləri araşdırılır.
Bölmənin digər xəbərləri
