QAXDA TAXIL BİÇİNİ DAVAM EDİR

02.07.2004 [11:23]
Çap et
A⁺ A^-

Qax rayonunun təsərrüfatlarında taxıl biçini mütəşəkkil davam edir. Ötən il rayonda cari ilin məhsulu üçün 12 min 400 hektarda taxıl səpini həyata keçirilmişdir. Mütəxəssislər zəmilərdən əvvəlki illə müqayisədə 1000 ton çox, yəni 20-21 min ton məhsul gözləyirlər.

Rayon icra hakimiyyətindən AZƏRTAC-ın müxbirinə bildirmişlər ki, indiyədək təsərrüfatlarda 1300 hektar sahədə arpa, 500 hektarda isə buğda biçini başa çatdırılmış, 3 min tona yaxın məhsul tədarük olunmuşdur. Hər hektardan məhsuldarlıq orta hesabla 15-18 sentner təşkil edir. Biçinə 43 ədəd kombayn və xeyli sayda digər texnika cəlb edilmişdir. Rayonun İlisu, Tasmalı və Almalı kənd ərazi icra nümayəndəliklərinə daxil olan təsərrüfatlarda taxıl biçini daha mütəşəkkil aparılır.

QAXDA TAXIL BİÇİNİ DAVAM EDİR

MÜƏLLİFLƏ ƏLAQƏ

Bölmənin digər xəbərləri