QƏBƏLƏDƏ TƏRƏVƏZ YIĞIMI DAVAM EDİR
Qəbələ rayon statistika idarəsindən AZƏRTAC-ın müxbirinə bildirmişlər ki, bu il 1703 hektar sahəyə tərəvəz əkilmiş, indiyədək 548 hektardan məhsul yığılmışdır. Bu günədək 2 min 292 ton məhsul istehsal edilmişdir ki, bu da ötən ilin müvafiq dövrü ilə müqayisədə 554 ton çoxdur. Hər hektardan orta hesabla 42 sentner məhsul götürülmüşdür.
908 hektar kartof sahəsinin 456 hektarından 2 min 851 ton məhsul yığılmışdır. Bu ötən ilin müvafiq dövründəkindən 856 sentner çoxdur.
Hər hektarın orta məhsuldarlığı 62,5 sentnerdir.
