QƏRBİ GÜRCÜSTANDA ZƏLZƏLƏ BAŞ VERİB
Episentri Zuqdidi şəhərin yaxınlığında olan yeraltı təkan nəticəsində uçqun və tələfat olmamışdır. Ancaq son günlər leysan yağışlar bölgəyə ciddi zərər vurmuş, daşqın nəticəsində iki nəfər həlak olmuş, çoxlu mal-qara tələf olmuş, körpülər, evlər uçmuş, əkin sahələrini su basmış, mərkəzi yollar bərbad vəziyyətə düşmüşdür. 600-dək ailə təhlükəsiz yerə köçürülmüşdür.
Gürcüstan Hidrometeorologiya İdarəsinin rəisi Ramaz Çitanava burada leysan yağışların oktyabrın 9-dək davam edəcəyini, Kaxeti bölgəsində də aramsız yağışlar gözlənildiyini bildirmişdir. Tbilisidən ilk ərzaq və paltar dolu iki yük avtomobili oktyabrın 7-i səhəri fəlakət bölgəsinə yola salınmışdır. Gürcüstan müdafiə və daxili işlər nazirliklərinin xüsusi bölmələri hadisə yerinə göndərilmişdir.
