QƏTƏRDƏ İLK KATOLİK KİLSƏSİ TİKİLİR
AZƏRTAC AsiaNyus agentliyinə istinadla xəbər verir ki, Qətərin paytaxtı Dohada bu ölkənin tarixində ilk katolik kilsəsi tikilir. İnşasını tikintisini ilin sonunadək başa çatdırmaq nəzərdə tutulan kilsəyə yalnız əcnəbi katoliklər gedə biləcəklər. Qətər qanunlarında vicdan azadlığı təsbit edilsə də, dindən dönmək qadağandır. Buna görə də xristian icması burada işləyən əcnəbilərdən ibarətdir.
Gələcək kilsənin keşişi Tom Venereyşn demişdir: “20 ildən sonra, nəhayət, hökumət xristian konfessiyası üçün torpaq ayırmışdır. Katolik icması ən böyük sahə almışdır, çünki katoliklər burada neçə əsrlərdir yaşayırlar”.
İndiyədək katoliklər ibadət etmək üçün evlərdə, yaxud ABŞ və ya Filippin səfirliklərindəki kiçik kilsələrdə yığışırdılar. Qətərdə filippinlilərin də sayı çoxdur.
Xristian məbədlərinin tikintisi üçün torpaq ayrılması təklifini Qətər hakimi Həmid bin Xəlifə-al-Tani irəli sürmüşdür. Son illər əmir dinlər arasında dialoq siyasəti yeridir. Dohada onun himayəsi və dini liderlərin iştirakı ilə bir sıra görüşlər keçirilmişdir. Qətər ilə Vatikan arasında diplomatik münasibətlər 2002-ci ildə yardılmışdır.
Kilsə Ərəbistan yarımadası ölkələrində yaşayan katoliklərin ianəsi hesabına tikiləcəkdir.
Bölmənin digər xəbərləri
