Azərbaycan Dövlət İnformasiya Agentliyi

CƏMİYYƏT

Qisas yerdə qalmadı...

Bakı, 14 may, Süleyman Qaradağlı, AZƏRTAC

Hərbi xidmətin son günləri idi. Üç-dörd gündən sonra xidmət müddətini başa vuran əsgərlərin evə buraxılmasına başlanılacaq və onlar bir il altı aylıq xidmətdən sonra evlərinə dönəcək, növbəti çağırışçı gənclər Vətən qarşısındakı əsgəri borcunu ödəməyə gələcəkdi...

Azər buna həm sevinirdi, həm də təəssüflənirdi. Sevinirdi ki, nümunəvi əsgər kimi Vətən qarşısındakı övladlıq borcunu yerinə yetirmişdi, tank atıcısı ixtisasına yiyələnmişdi. Xidmətdə olduğu müddətdə Qaraheybətdə tankçılarının biatlon yarışında iştirak edərək hədəfin ilk saniyədə nişan alınması uğrunda keçirilən yarışlarında birinci yeri tutmuşdu. Həmin yarışda uğurlu iştirak etdiyinə görə fəxri fərmana, qol saatına və pul mükafatına layiq görülmüşdü. Təəssüflənirdi ki, hərbi xidmətə gələnə qədər onunla kənd qəbiristanlığına gedərək göz yaşları axıdan nənəsi Kimyaya “nənə, ağlama, əmimin qısasını ermənilərdən alacağam” deyə verdiyi sözü yerinə yetirə bilməmişdi...

...Hər şey elə həmin günlərdə baş verdi. 2020-ci il sentyabrın 27-də Vətən müharibəsi başlayanda o, artıq cəbhənin ön xəttində idi. İndi fürsət yetişmişdi – həm xidmət müddətində yiyələndiyi hərbi peşəni, sərrast atıcılıq qabiliyyətini tətbiq etmək, uzun illərdən bəri işğal altında olan torpaqlarımızın erməni quldur birləşmələrindən azad edilməsində pay sahibi olmaq üçün, həm də əmisinin qisasını alacağı barədə nənəsinə verdiyi sözü yerinə yetirmək üçün...

İlk döyüş

Azərin ilk döyüşü sentyabrın 30-da Füzuli rayonunun Alıxanlı kəndi uğrunda oldu. Həmin döyüşdə ilk dəfə olaraq başından və gicgahından yaralandı. Yaralanmağına baxmayaraq, nə qədər təkid etsələr də, Azər döyüş meydanını tərk etmədi. Hətta axşam tankları maskalayandan sonra düşmən mövqelərinə olan hücum əməliyyatında iştirak etdi. Uğurlu əməliyyatdan sonra çoxlu qan itirdiyindən onu hospitala göndərdilər. Hospitala çatanda onun huşu özündə olmayıb. İlkin tibbi yardım göstəriləndən və qan köçürüləndən sonra özünə gələn Azərin iki xahişi olub. Tibb işçilərindən xahiş edib ki, onun gözünü yusunlar, heç olmasa 18 aydan bəri üzünü görmədiyi əmisini görsün. İkinci xahişini isə əmisindən edib: “Əmi, evdəkilər mənim burda olduğumu, yaralandığımı bilməsinlər. Çox xahiş edirəm...” demişdi.

İlkin tibbi yardım göstəriləndən sonra Azər səhəri gün dərhal döyüş mövqeyinə qayıdıb.

11 oktyabr, Hacılı kəndi...

Oktyabrın 11-də döyüşün ən ağır vaxtları idi. Cəbrayıl rayonunun Hacılı kəndi ətrafında gərgin döyüşlər gedirdi. T-90 markalı 727 nömrəli tank ətrafda olan hədəfləri məhv edə-edə irəliləyirdi. İrəlidə düşmən tankı düz onun üstünə gəlirdi. Bir an gecikmək ölümə bərabər idi. Azər tankın lüləsini qarşıdakı hədəfə tuşlayıb ləngimədən atış açdı. Tank komandiri leytenant Murad Nağıyev onun sərrast atəşindən razı qaldı. Sağdan düşmən tankı atəş açaraq onların olduğu tankı vurdu. Leytenant elə yerindəcə əbədiyyətə qovuşdu. Tankın atıcısı isə ağır yara almışdı...

Azər Abdullazadə həmin günlərin xatirəsini AZƏRTAC-ın müxbiri ilə bölüşərək deyir: “Tank vurulan kimi alovu hiss etdim, gözümə çoxlu qəlpələr dolduğundan heç nə görə bilmirdim. Tank yanırdı, onun içərisindən çölə çıxmaq istədim, ancaq həm ətrafı görə bilmirdim, həm də fikirləşdim ki, məni əsir götürə bilərlər. Birtəhər tankın lyukunu açdım, mexanik–sürücü Elsevər Hümbətli mənim tankdan çölə çıxmağıma kömək etdi. Əynimdəki paltar məni qorusa da, yandığımı hiss edirdim, ağzımdan qan gəlirdi. Elsevər məni bayıra çıxarıb üstümə torpaq tökərək alovu söndürdü. Yalnız qulağım eşidirdi, ətrafda avtomat döyüşləri gedirdi, lakin başqa heç nə hiss etmirdim. Artıq özümdə deyildim...”

Onun gicgahına böyük qəlpə girmişdi, bədənində çoxsaylı qəlpələr var idi, çoxlu qan itirmişdi, dərisi yanmışdı. Sağ gözü tamamilə sıradan çıxmış, sol gözü isə görmə qabiliyyətini itirmişdi. Həkimlərin də arasında onun yaşayacağına ümid edənlər çox az idi.

Həyat işığı uğrunda mübarizə

Onu Füzuli rayonunda Əhmədbəylidəki hospitalda əməliyyat edəndən sonra Silahlı Qüvvələrin Baş Hərbi Hospitalına göndəriblər. Dalbadal bir neçə əməliyyat nəticəsində bədənindəki qəlpələrin bir hissəsini çıxarıblar, dörd dəfə dərisini soyublar. Lakin Azər sağ gözünü itirmişdi, sol gözünün görməsinə isə demək olar ki, ümid yox idi. Həmin günlərdə həkim-oftalmoloq Anar Rəhimov bu ağır əməliyyatı öz üzərinə götürərək onu bir neçə dəfə cərrah masasına çıxarıb. Həkimin çox böyük səyi nəticəsində Azərin sol gözünün işığı zəif də olsa görmə qabiliyyətini saxlayıb.

Əməliyyatdan sonra Azəri ziyarət etməyə ilk olaraq nənəsi Kimya gəlib. Xəstəxanada nənə-bala qol-boyun olub Qarabağın azadlığa qovuşmasının sevincini yaşayıblar. Azər döyüşdə sağ gözünü itirdiyini ona bildirməyib.

Azərin bədəni hələ də aldığı yaralardan tam xilas olmayıb. İndi də onun göz almacığının arxasında bir, başında yeddi, bədənində isə çoxlu qəlpələr var. Yaralarının yüngülləşməsi üçün vaxtaşırı reabilitasiya mərkəzlərində və tibb ocaqlarında müalicə alır.

Abdullazadələr ailəsi

Azərin atası Rizvan Birinci Qarabağ müharibəsində tankçı kimi döyüş əməliyyatlarında iştirak edərək yaralanıb, birinci qrup əlildir. Əmisi Natiq tibb xidməti leytenantı olub, 1993-cü il yanvarın 16-da Ağdərə rayonunda Drambon, Çıldıran uğrunda gedən döyüşlərdə şəhidlik zirvəsinə yüksəlib. Digər əmisi Elçin Abdullayev tibbi xidmət polkovnikidir, hazırda xidmət edir. Özündən beş yaş böyük qardaşı Yaqub Suqovuşan, Talış, Murovdağ döyüşlərində iştirak edib, Vətən müharibəsinin 30-cu günü qabırğasından və qolundan yaralanıb. Hazırda hərbi xidmətini davam etdirir.

Azər Abdullazadə iştirak etdiyi Füzuli rayonunun Alıxanlı, Cəbrayıl rayonunun Nüzgar və Hacılı kəndi ətrafındakı döyüşlərdə ermənilərin 1 tankını, 2 Ural, 2 KAMaz maşınını sıradan çıxarıb, 3 atəş nöqtəsini və 55 əsgərini məhv edib. Göstərdiyi bu igidlik nümunəsinə görə ona Prezidentin Sərəncamı ilə Vətən Müharibəsi Qəhrəmanı adına layiq görülüb.

Nənəyə verilən vəd

Azər söhbət açır: “Evimizin arxasından kənddəki qəbiristanlıq görünür. Nənəm həmişə qəbiristanlığa gedərək Birinci Qarabağ müharibəsində şəhid olmuş əmimi xatırlayaraq ağlayırdı. Mən əsgərliyə gedənədək nənəmin qolundan tutub qəbiristanlığa aparırdım. O, Qarabağ müharibəsində şəhid olmuş oğlunun məzarını ziyarət edərək ağlayır və bu yolda həlak olanlar üçün dualar edirdi. Nənəmə deyirdim ki, “Sən darıxma, qoy böyüyüm, əmimin qisasını ermənilərdən alacağam.

İndi həm də onunla təsəlli tapıram ki, əmimin qanı yerdə qalmadı. Çox şükür ki, bu yolda şəhid olan, qurban gedən minlərlə döyüşçünün qisası alındı. Çox şükür ki, Qarabağda üçrəngli Azərbaycan Bayrağı dalğalanır. İndi Vətənimiz bütövdür və xalqımızın qazandığı bu Zəfərdə az-çox mənim də payım olduğuna görə çox sevinirəm”.

Vətən müharibəsinin ən gənc qəhrəmanlarından olan Azər Abdullazədə böyük Qələbədə payı olduğuna, separatçıların izinin kəsildiyinə, ata-baba yurdlarımıza qovuşduğumuza görə qürur hissi keçirir.

Bir də əmisinin qisasını aldığına, nənəsinə verdiyi sözü yerinə yetirdiyinə görə...

Çox sevdiyi Kimya nənə artıq həyatda olmasa da...

 

Xəbəri sosial şəbəkələrdə paylaşın

Bizi sosial şəbəkələrdə izləyin

İtaliyaya keçmək istəyən 23 tunisli miqrant Aralıq dənizində itkin düşüb

Əfqanıstanda baş verən atışmada ölənlərin sayı 6-ya çatıb

Dövlət Teatr Muzeyi “Təbiəti duyaraq sev!” adlı tədbir keçirib

Elçin Bayramov: Şuşa tək Azərbaycanın deyil, dünyanın incisinə çevriləcək

Basketbol üzrə Azərbaycan çempionatında bürünc medalların sahibi bəlli olub

İstiqlal Muzeyində Beynəlxalq Muzeylər Gününə həsr olunmuş konsert proqramı

Milli Xalça Muzeyində Beynəlxalq Muzeylər Günü qeyd olunub

Azərbaycanla Belarus arasında əlaqələr uzun illərdir möhkəm təməllər üzərində qurulub – ŞƏRH

Bakıda “İslam dünyasının mədəni irsinin qorunması” mövzusunda keçirilən konfrans başa çatıb

"Gəncə" Azərbaycan millisinin voleybolçusunu transfer edib

Cevdet Yılmaz: TDT üçüncü dövlətlərin əməkdaşlıq etmək istədiyi güclü təşkilata çevrilib

Azərbaycan Dillər Universitetində “Tayvan məsələsi və yeni dövrdə Çinin birləşməsi işi” mövzusunda seminar keçirilib

Latviya Parlamentinin sədri Azərbaycana rəsmi səfərə gəlib

Dünyanın qeyri-adi muzeyləri

Gürcüstan Prezidenti “Xarici təsirin şəffaflığı haqqında” qanuna veto qoyub

32 ildən sonra Laçında ikinci dəfə toy sədası eşidilib FOTO

Qızıl Avropa Liqası: Azərbaycanın voleybol millisi Slovakiyaya məğlub olub

Bakıda keçiriləcək Avropa çempionatında iştirak edəcək Azərbaycan güləşçiləri bəlli olub

Azərbaycan boksçuları “Heydər Əliyev Kuboku 2024” beynəlxalq turnirində 27 medal qazanıblar

Premyer Liqa: "Sabah", "Neftçi" və "Zirə"dən vacib qələbə

Sel suları Xaçmaz-Quba yolunda hərəkəti çətinləşdirib VİDEO

Papa Fransisk: Gəlin, müharibələrə son qoyaq

Beynəlxalq ekspert: Bratislava Bakını iqtisadi-ticarət və investisiya sahəsində Cənubi Qafqazda əsas tərəfdaş hesab edir – MÜSAHİBƏ

Əlahiddə Ümumqoşun Ordu müddətdən artıq həqiqi hərbi xidmət keçmək istəyənlərin qəbulunu elan edir

Birinci xanım Mehriban Əliyeva instaqram hesabında Zəngilan səfəri ilə bağlı paylaşım edib VİDEO

Problemlərin inkarı Fransa üçün Afrikanın itirilməsi ilə nəticələndi, növbədə “xarici ərazilərdir” TƏHLİL

Xalq artisti Roza Cəlilova yubileyi münasibətilə evində ziyarət olunub

Şirvan-Salyan Regional Təhsil İdarəsi üzrə monitorinq 7 mindən çox şagirdi əhatə edib

DSX-nin birləşmə və hərbi hissələrində gənc əsgərlərin andiçmə mərasimi keçirilib

Cənubi Qafqazda sülhün qarantı ŞƏRH

İslam Əməkdaşlıq Təşkilatı ölkələrinin Gənc Sahibkarların 10-cu Beynəlxalq Kazan Forumu başa çatıb

Milli Kitabxanada növbəti treninqin müdavimlərinə sertifikatlar təqdim olunub

Qarabağ Universiteti ilə bağlı sualları cavablandırmaq üçün yeni 146-6-1 xətti açılıb

Qarabağ Universitetinin bukleti hazırlanıb

Azərbaycan boksçuları Konstantin Korotkov Memorialını 5 medalla başa vurublar

Güclü leysan və dolu Qaxın kəndlərində fəsadlar törədib, dəymiş ziyan hesablanır VİDEO

Polkovnik: Heç bir qüvvə Azərbaycanda xalq-ordu birliyinə xələl gətirə bilməz

Fransa Kaledoniyada baş verənləri Azərbaycanın adına yazmaqla dünya ictimaiyyətində çaşqınlıq yaradır ŞƏRH

ADPU-nu 50 il əvvəl bitirən məzunların görüşü keçirilib

Türkiyə Əfqanıstana 24 ton humanitar yardım yollayıb

Türkiyədə “Atatürkü Anma, Gənclik və İdman Bayramı” münasibətilə “Gənclik həftəsi” keçirilir

Azərbaycanın güləş üzrə daha bir yığması Avropa çempionu olub

GDU-da tələbələr imtahanların keçirilmə qaydaları barədə məlumatlandırılıblar

Ədəbiyyat Muzeyinin Aran regional filialı “Açıq qapı” günü təşkil edib

GDU-nun Regional Kollecində Məzun günü keçirilib

Azərbaycan gimnastlarının Neftçalada nümunəvi çıxışları olub

Dörd ayda əhalinin sosial ödənişlərinə 2 milyard 914 milyon manat xərclənib

Vəkillər Kollegiyası Rəyasət Heyətinin iclasında bir sıra qərarlar çıxarılıb

Azərbaycan cüdoçularının dünya çempionatında ilk rəqibləri bəlli olub

Azərbaycan Prezidenti Cənubi Qafqazda söz sahibi olan siyasi liderdir ŞƏRH

FHN: Nohur gölündə suyun səviyyəsinin endirilməsi istiqamətində tədbirlər davam edir

Türkiyə Prezidenti: Su mübahisələri qlobal münaqişələrə səbəb olur

Mil-Muğan regionunda IV sinif üzrə monitorinqdə 7209 şagirdi iştirak edib VİDEO

Şimal bölgəsi üzrə 8 min 337 şagird monitorinqə cəlb olunub

Solmaz Amanova Azərbaycanı Həştərxan Ədəbiyyat Festivalında təmsil edir

Azərbaycan Beynəlxalq Hərbi İdman Şurasının 79-cu Baş Assambleyasında təmsil olunub

Azərbaycanın həndbol millisi Özbəkistanda üçüncü qələbəsini qazanıb

Qərbi Azərbaycan İcmasında Yunis Rzayevin 100 illiyi qeyd olunub

Qərbin “demokratiya cəngavərləri” və onların yerli “marionet kuklaları”nın nəzərinə

“Rossiya 24” telekanalı Qarabağdan reportaj hazırlayıb VİDEO

Nazir: Türk İnvestisiya Fondu beynəlxalq təcrübəyə uyğun fəaliyyət göstərəcək

Seneqalın Baş naziri ölkə ərazisində Fransa hərbi bazalarının olmasını tənqid edib

Zəngilan şəhərinin daxili yol-kommunikasiya şəbəkəsinin təməli qoyulub YENİLƏNİB VİDEO

Ombudsman Masallıda vətəndaşların müraciətlərini dinləyib

Nikol Paşinyan devrilərsə hakimiyyət yenidən “Qarabağ klanı”na təhvil veriləcək ŞƏRH

Aqrar sektorda yeni innovasiyalar tətbiq edən Çex şirkəti Azərbaycana sərmayə qoymaqda maraqlıdır

Prezident İlham Əliyev və birinci xanım Mehriban Əliyeva Zəngilan məscidinin açılışında iştirak ediblər  YENİLƏNİB VİDEO

Üçqat dünya çempionu: Növbəti finalda da Vətənimi layiqincə təmsil edəcəyəm

“Gənc İstedadlar” liseyində Heydər Əliyevin 101 illiyinə həsr olunmuş tədbir keçirilib

“AzərEnerji” ASC-nin “Zəngilan” və “Şayıflı” Su Elektrik stansiyaları istifadəyə verilib YENİLƏNİB VİDEO

Naxçıvanda 5 minə yaxın şagird monitorinqdə iştirak edib

Yerli brendin yaradıcısı: Azərbaycanda qalstukları ən çox qadınlar alır - MÜSAHİBƏ

Pakistanda mikroavtobus dərəyə aşıb, azı 13 nəfər ölüb

Başkent Universitetinin Bakıda nümayəndəliyi açılıb FOTO

Agentlik: IV siniflərin 98 faizi monitorinq imtahanında iştirak edib

UNEC-in sədrliyi ilə Türk Universitetləri Birliyinin 7-ci Baş Assambleyası keçiriləcək

Naxçıvanda "Mir Kazım ağa" kəhrizi təmir edilib

Prezident İlham Əliyev Zəngilan rayonunun Mincivan qəsəbəsinin təməlini qoyub YENİLƏNİB VİDEO

Baş katib: Azərbaycan xizək alpinizmi üzrə Dünya Kubokunu qəbul etməyə tam hazırdır

“Sən həmişə mənimləsən” yenidən Şuşa Teatrının səhnəsində

Nazir: “Azerbaijan Coca-Cola Bottlers”in ikinci müəssisəsinin açılması bölgənin inkişafına töhfə verəcək

Məleykə Abbaszadə: Hər bir uşaq hiss etməlidir ki, evdə ona bəslənilən sevgi imtahanın nəticəsinə görə deyil

Milli Xalça Muzeyində Beynəlxalq Muzeylər Günü ilə bağlı tədbirlər keçirilib

Prezident İlham Əliyev və birinci xanım Mehriban Əliyeva Zəngilan rayonunda “Ağalı” hotelinin açılışında iştirak ediblər  YENİLƏNİB VİDEO

Paytaxt üzrə 50 minə yaxın lV sinif şagirdi imtahan verib

“Kəpəz” – “Zirə” oyununa əcnəbi hakimin təyin edilməməsinin səbəbi məlum olub

Rəqəmsal inkişaf və nəqliyyat naziri Şəkidə vətəndaşlarla görüşüb

Cəbrayıl rayonunun Maşanlı kəndinin təməli qoyulub YENİLƏNİB VİDEO

Avropa çempionu olan Azərbaycan güləş yığması Vətənə qayıdıb

“Coca-Cola” Azərbaycanda ikinci istehsal müəssisəsini açır VİDEO

Keçən il Naxçıvanın büdcəsində gəlirlər üzrə proqnoza 121,1 faiz əməl olunub

Belarus-Azərbaycan münasibətlərinin inkişafını şərtləndirən qarşılıqlı maraqlar ŞƏRH

Hyustonda fırtına nəticəsində ölənlərin sayı yeddiyə çatıb

Prezident İlham Əliyev Cəbrayıl rayonunun Sarıcallı kəndinin təməlini qoyub YENİLƏNİB VİDEO

Cəbrayılın Karxulu kəndinin təməli qoyulub YENİLƏNİB VİDEO

Azərbaycan nümayəndə heyətinin Mərakeş Krallığına səfəri davam edir

Rumıniya voleybol millisinin baş məşqçisi: Azərbaycan yığması bizə təhlükəli anlar yaşatdı

Prezident İlham Əliyev Cəbrayıl rayonunun Böyük Mərcanlı kəndinin təməlini qoyub YENİLƏNİB VİDEO

Azərbaycan atleti 3-cü dəfə dünya çempionu olub

Azərbaycan-Belarus tərəfdaşlığı özünün ən yüksək mərhələsindədir ŞƏRH