Qlobal LNG idxalı keçən il 3 faiz artıb
Bakı, 13 yanvar, AZƏRTAC
Pandemiyaya baxmayaraq, qlobal mayeləşdirilmiş təbii qaz (LNG) idxalı 2020-ci ildə 3 faiz artaraq 363 milyon tona yüksəlib. Çin Asiyada LNG tələbatının illik 4 faiz artmasına səbəb olub.
AZƏRTAC xəbər verir ki, bu barədə mərkəzi ofisi Osloda yerləşən “Rystad Energy” şirkəti məlumat yayıb.
Bildirilir ki, bölgədəki digər alıcılar da ucuz qiymətlərdən istifadə edərək elektrik enerjisi istehsalında kömürü təbii qazla əvəz edib. Avropada LNG idxalı ilin birinci yarısında daha böyük həcmə yüksəlib.
“Rystad Energy”nin proqnozuna görə, başda ABŞ olmaqla yeni zavodların işə düşməsi nəticəsində sıxılmış qaz tutumu 2020-ci ildə 5 faiz artaraq illik 464 milyon tona çatıb. Birləşmiş Ştatlarda qazı mayeləşdirmə qabiliyyəti 42 faiz artaraq illik 71 milyon tona yüksələcək.
Rusiyanın illik sıxılmış qaz həcmi isə 29 milyon tona çatıb.
Bölmənin digər xəbərləri
