Qlobal neft tələbatı bu il 10 faizədək azalacaq
Bakı, 15 dekabr, AZƏRTAC
Cari ildə qlobal xam neft tələbatı ötən ilə görə 9 milyon 770 min barrel (9,8 faiz) azalaraq sutkada 89 milyon 990 min barrel təşkil edəcək.
AZƏRTAC xəbər verir ki, bu barədə OPEC-in aylıq hesabatında deyilir.
Bildirilir ki, il ərzində OPEC-ə üzv ölkələrin neft tələbatı isə keçən ilə nisbətən 7 milyon 100 min barrel azalaraq gündəlik 22 milyon 200 min barrelə olacaq.
2021-ci ildə isə qlobal neft tələbatı cari illə müqayisədə 5 milyon 900 min barrel (6,6 faiz) artaraq gündəlik 95 milyon 890 min barrelə çatacaq. Gələn il OPEC ölkələrinin neft tələbatı bu ilə nisbətən 5 milyon barrel çoxalaraq gündəlik 27 milyon 200 min barrelə yüksələcək.
Bölmənin digər xəbərləri
