Qusarın meşə fondu zənginləşdirilir
Qusar, 9 avqust (AZƏRTAC). Qusar rayonunda meşə sahəsinin seyrəkləşməsinin, azalmasının qarşısını almaq, bütövlükdə meşə fondunu zənginləşdirmək üçün işlər aparılır.
Rayon meşə mühafizəsi və bərpası müəssisəsindən AZƏRTAC-a bildirmişlər ki, rayonun meşə fondu 22 min 500 hektardır. Rayon meşələrində vələs, fıstıq, palıd ağacları üstünlük təşkil edir. Cari ildə 80 hektar sahədə yeni zolaqların salınması nəzərdə tutulmuşdur. Artıq 24 hektarda meşə salınmışdır.
Bu il 76 kiloqram toxum səpilməsi planlaşdırılmışdır ki, bunun 32 kiloqramı səpilmişdir. Torpaq hazırlığı işləri aparılmış, 0,5 hektar sahədə fidanlıq salınmışdır. Payız aylarında yeni meşələrin salınması işləri davam etdiriləcəkdir.
Bölmənin digər xəbərləri
