RAMZAN QƏDİROV FİKRİNİ DƏYİŞİR
Onun sözlərinə görə, “bir müsəlman kimi və islama etiqad edən bir çeçen kimi” açıqlamalı idi ki, Məhəmməd Peyğəmbərə karikaturalar verənlərin əməllərini pisləyir. O vurğulamışdır ki, Çeçenistan baş nazirinin müavini Xalid Vayxanovun göndərdiyi məktub tövsiyə xarakteri daşıyırdı. Məktubda Danimarkanın həmin təşkilatının xətti ilə Çeçenistanda işləyənlərin təhlükəsizliyini təmin etmək istəyi ifadə olunmuşdu.
Xəbər verildiyi kimi, Çeçenistan hökuməti Vayxanovun imzası ilə BMT-nin Humanitar məsələlərin əlaqələndirilməsi idarəsinin Rusiya nümayəndəliyinə rəsmi məktub göndərərək bildirmişdi ki, Danimarka Qaçqınların İşləri Şurasının respublika ərazisində fəaliyyətini dayandırır. Məktubda deyilirdi ki, bundan məqsəd Məhəmməd Peyğəmbərə Danimarka qəzetlərindən birində karikaturalar dərc edildikdən sonra müsəlman dünyasındakı kəskin etiraz dalğası ilə əlaqədar humanitar missiya əməkdaşlarının təhlükəsizliyini təmin etməkdir.
Bundan sonra RF Prezidentinin Cənub Federal Dairəsi üzrə səlahiyyətli nümayəndəsi Dmitri Kozak Rusiya Baş Prokurorluğundan Çeçenistan rəhbərliyinin bu qərarına hüquqi qiymət verməyi xahiş etmişdi.
Bölmənin digər xəbərləri
