RƏŞİDƏ BEHBUDOVANIN MOSKVADA KONSERTİ OLACAQDIR
Rəşid Behbudov Fondunun direktoru Kamil Şahverdiyevin AZƏRTAC-a verdiyi məlumata görə, ölkəmizin Rusiyadakı səfirliyinin təşəbbüsü ilə təşkil olunan tədbir Azərbaycanın Müstəqillik gününə və Rəşid Behbudovun xatirəsinə həsr olunacaqdır. Konsertdə Rəşidə Behbudova Üzeyir Hacıbəyovun “Firuzə” operasından Firuzənin ariyasını, Qara Qarayevin A.S.Puşkinin sözlərinə yazdığı iki romansını, Fikrət Əmirovun “Ey saqi”, Səid Rüstəmovun “Alagöz”, Tofiq Quliyevin “Qara gözlüm”, “Gözəl pəri” mahnılarını, Ramiz Mustafayevin “Yadıma sən düşürsən” romansını və s. oxuyacaqdır. Müğənnini Rusiya Dövlət akademik böyük konsert orkestri müşayiət edəcəkdir. Orkestrin bədii rəhbəri və dirijoru Murad Kajlayev, konsertmeysteri Zülfiyyə Sadıqovadır.
Bölmənin digər xəbərləri
