RESPUBLİKA ÇEMPİONATI BAŞA ÇATMIŞDIR
Respublika Şahmat Mərkəzində şahmat üzrə Azərbaycan çempionatı başa çatmışdır. 11 turdan ibarət çempionat İsveçrə sistemi üzrə keçirilmişdir. Bu ilin yayında Bakıda keçirilmiş Avropa çempionatının bürünc mükafatçısı Şəhriyar Məmmədyarov 7,5 xal toplayaraq kişilər arasında birinci yeri tutmuşdur. Elə o qədər xal toplamış Qədir Hüseynov reytinqi ondan aşağı olduğundan, gümüş medala layiq görülmüşdür.
Qadınlar arasında 9,5 xal toplamış Füruzə Vəlixanlı qalib gəlmişdir. İkinci yeri Mehriban Şükürova və 13 yaşlı Türkan Məmmədyarova bölüşdürmüşlər.
Bölmənin digər xəbərləri
