SAATLI RAYONUNDAKI ƏLİSOLTANLI KƏND ORTA MƏKTƏBİNƏ
Əziz şagirdlər!
Saatlı rayonu Əlisoltanlı kənd orta məktəbinin 100 illik yubileyi münasibətilə sizi, məktəbin məzunlarını və respublikamızın bütün maarif işçilərini səmimi qəlbdən təbrik edirəm.
Keçən əsrin əvvəllərində Azərbaycan maarifçilərinin vətənpərvərliyi, böyük səyləri və fədakarlığı nəticəsində fəaliyyətə başlamış Əlisoltanlı kənd orta məktəbi uzun illərdən bəri ölkəmizin tanınmış təhsil ocaqlarından biri sayılır. Ümidvaram ki, məktəbiniz öz zəngin ənənələrini bundan sonra da uğurla davam etdirəcək, gənc nəslin biliklərə dərindən yiyələnməsi, layiqli vətəndaş kimi formalaşması üçün var gücünü əsirgəməyəcəkdir.
Bu əlamətdar yubiley münasibətilə yüz yaşlı məktəbinizin müəllim və şagirdlərinə, məzunlarına, bütün təhsil işçilərinə cansağlığı, xoşbəxtlik, böyük uğurlar arzulayıram.
İlham Əliyev
Azərbaycan Respublikasının Prezidenti
Bakı şəhəri, 21 sentyabr 2004-cü il.
Bölmənin digər xəbərləri
