Sadiq Qurbanov: Mədənçilik sənayesində su uçotu aparılsa, daha yaxşı olar
Bakı, 30 noyabr, AZƏRTAC
Mədənçilik sənayesində xeyli su resurslarından istifadə olunur. Azərbaycanın su ehtiyatlarının azlığını nəzərə alaraq bu, böyük bir problemdir.
AZƏRTAC xəbər verir ki, bunu Milli Məclisin Təbii ehtiyatlar, energetika və ekologiya komitəsinin sədri Sadiq Qurbanov "Azərbaycanda dağ-mədən sənayesinin inkişafı: reallıqlar, çağırışlar və perspektivlər" kitabının təqdimat mərasimində deyib.
"Mədənçilik sənayesində su uçotu aparılmır. Məlumdur ki, 2050-ci ilə qədər su resurslarından səmərəli istifadə olunması, yeni su ehtiyatlarının tapılması, səmərəliliyinin əsasında Azərbaycanı gözləyən quraqlığın aradan qaldırılması üçün tədbirlər görülməlidir. Odur ki, bütün bunları nəzərə alaraq həmin istiqamətdə də işlər görülsə daha yaxşı olar",- deyə komitə sədri bildirib.
Bölmənin digər xəbərləri
