ŞADLIQ EVLƏRİ TİKİLİR
Tovuz şəhər avtovağzalı yaxınlığında Şərq memarlıq üslubu ilə iki mərtəbəli bina inşa olunur. Binanın birinci mərtəbəsində ticarət obyektləri, ikinci mərtəbəsində isə şadlıq evi yerləşəcək.
İqtisadi İnkişaf Nazirliyinin rayon şöbəsindən AZƏRTAC-ın müxbirinə bildirmişlər ki, yeni obyektin tikintisində 10 nəfər çalışır, tikinti başa çatdıqdan sonra isə burada 15 nəfər yerli sakin daimi işlə təmin olunacaq.
