ŞAHİN İMRANOVUN BƏXTİ GƏTİRMƏDİ
Görüş çox gərgin başladı, lakin Şahin üstünlüyü tədricən ələ alaraq, ilk iki raundu 10:9 və 12:7 hesab ilə öz xeyrinə başa çatdırdı. Üçüncü raunda da üstünlük Azərbaycan idmançısında idi. Rusiya boksçusu kobudluğa yol verdiyinə görə, hakim ona xəbərdarlıq da etdi. Lakin bu raunda hesab 9:5 Azərbaycan idmançısının xeyrinə olarkən onun qaşı partladı və hakim görüşü dayandırdı. Əslində, Şahinin zədəsi çox da ağır deyildi və o, yəqin ki, döyüşü davam etdirə bilərdi. Bununla belə, həmin vaxtadək 31:21 hesabı ilə irəlidə olan Şahin İmranov Olimpiya medalları uğrunda mübarizədən kənarda qaldı.
Bölmənin digər xəbərləri
