ŞAHZADƏ HARRİ HƏDƏLƏYİR
Britaniya taxt-tacının varisi şahzadə Çarlzın kiçik oğlu demişdir: “Müharibə zonasında yerləşən öz hərbi hissəmə qoşulmağa imkan yaratmasalar, formamı təhvil verəcəyəm”.
21 yaşlı Harri Blues ənd Royals-ın süvari bölməsində xidmət edəcəkdir. İkinci leytenant rütbəsində 11 əsgərə və 4 yüngül tanka başçılıq edəcəkdir və nəzəri baxımdan onu yaxın bir il ərzində İraqa, yaxud Əfqanıstana göndərə bilərlər.
Böyük Britaniya Müdafiə Nazirliyi isə narahatdır ki, şahzadə ön cəbhədə vuruşarsa, yaraqlılar üçün qənimətə çevrilə, təkcə özünü yox, yoldaşlarını da təhlükə qarşısında qoya bilər.
Şahzadənin yaxınlarından biri demişdir: “Ona xüsusi münasibət göstərsələr dəli olar. O, xidmətdən boyun qaçırmaq və yoldaşlarını pis vəziyyətdə qoymaq istəmir.”
Bölmənin digər xəbərləri
