“SAKİNFORM” ƏMƏKDAŞLARININ İDDİA ƏRİZƏSİ RƏDD EDİLMİŞDİR
Tbilisi şəhərinin Mtasminda-Krtsanisi rayon məhkəməsi “Sakinform”un sabiq əməkdaşlarının iddia ərizəsinə rədd cavabı vermişdir. “Sakinform”un jurnalistləri informasiya agentliyinin rəhbəri Zaza Talaxadzenin onların vəzifədən azad edilməsi barədə əmrinin ləğv edilməsi və işə bərpa olunmaları tələbi ilə məhkəməyə müraciət etmişdilər.
AZƏRTAC-ın xüsusi müxbiri xəbər verir ki, məhkəmə jurnalistlərlə “Sakinform” arasında bağlanan müqavilənin vaxtının başa çatdığını əsas götürərək onların tələbini ödəməmişdir.
Jurnalistlərin vəkili Paata Kikvidze məhkəmənin qərarını qərəzli saymış və yuxarı instansiyalara müraciət edəcəyini bildirmişdir.
Bölmənin digər xəbərləri
