Salyanda 30 min zeytun ağacı əkiləcəkdir
Salyan, 10 dekabr (AZƏRTAC). Heydər Əliyev Fondunun həyata keçirdiyi “Yaşıl Azərbaycan Naminə“ layihəsi çərçivəsində Salyan rayonunda ağacəkmə kampaniyası davam edir.
AZƏRTAC xəbər verir ki, rayonun idarə, müəssisə və təşkilatlarında işləyən 1.500 nəfərin iştirak etdiyi növbəti iməcilik zamanı Salyan şəhərinin küçə və prospektləri boyunca 6 mindən çox zeytun ağacı əkilmişdir.
Layihə çərçivəsində rayonda 30 min zeytun ağacının əkilməsi nəzərdə tutulmuşdur. Artıq 24 min ağac basdırılmışdır.
İməcilik zamanı əvvəlki illərdə əkilən ağaclara da qulluq göstərilmiş, park və xiyabanlarda səliqə-sahman yaradılmışdır.
Bölmənin digər xəbərləri
