Şamaxıda örüş sahəsində yanğın hadisəsi baş verib
Bakı, 18 avqust, AZƏRTAC
Avqustun 18-də saat 14:00 radələrində Şamaxı rayon Şərədil bələdiyyəsinə məxsus kolluq örüş sahəsində yanğın hadisəsi baş verib.
Bu barədə AZƏRTAC-a Ekologiya və Təbii Sərvətlər Nazirliyinin (ETSN) mətbuat xidmətindən məlumat verilib. Məlumatda bildirilir ki, yanğının söndürülməsi və meşə fondu torpaqlarına keçməsinin qarşısını almaq məqsədilə ETSN-in yerli qurumlarının və Fövqəladə Hallar Nazirliyinin Yanğından Mühafizə Xidmətinin canlı qüvvə və texnikası təcili olaraq hadisə yerinə cəlb olunub.
Hazırda yanğının söndürülməsi istiqamətində təcili tədbirlər həyata keçirilir.
Bölmənin digər xəbərləri
