SATURNA YEDDİ İLLİK SƏYAHƏT BAŞA ÇATDI
Aparat Saturnun halqaları arasındakı sahədən uğurla keçərək, Qrinviç vaxtı ilə saat 4 radələrində bu planetin orbitinə “qədəm qoymuşdur”.
İndi “Huygens” endirmə modulu əsas aparatdan avtomatik surətdə ayrılaraq, Saturnun ən böyük peyki olan Titana enməlidir. “Huygens” qruntun analizini aparacaq və peykin tərkibi barədə digər mühüm məlumat toplayacaqdır. Alimlər Titanın səthində gedən və Yer üzündə həyatın meydana gəlməsindən əvvəl burada baş vermiş proseslərə oxşayan mümkün üzvi proseslər barədə suallara cavab tapmaq ümidindədirlər.
“Cassini” Saturna doğru yolda onun uzaq və ən qaranlıq peyki olan Feba ətrafında dövrə vurmuşdur. Aparat bu planetin fotoşəkillərini, habelə digər elmi məlumatları Yerə göndərmişdir. Alimlər onların əsasında Saturn peykinin kütləsi və quruluşu barədə məlumat əldə edə biləcəklər.
Xatırladaq ki, “Cassini” 1997-ci ildə buraxılmışdır. Bu ABŞ-Avropa müştərək layihəsinin dəyəri 3,3 milyard dollardır. Gözlənildiyinə görə, Saturnun, onun halqa və peyklərinin öyrənilməsi prosesi azı 4 il çəkəcəkdir.
Bölmənin digər xəbərləri
